Hallvard Folkedal
Vokalist og saksofonist – frontar soulbandet til brørne Folkedal og spelar i Vorrå Blæs & Slaglag.
Hallvard Folkedal er vokalist og saksofonist, og har spelt saman med broren Øystein Folkedal i mange år.
På festivalen står han fremst i soulbandet til brørne, med låtar i landskapet mellom Stevie Wonder, Donny Hathaway, Aretha Franklin og Bernhoft. Med seg har han Øystein på tangentar, Morten Georg Gismervik på gitar, Håkon Huldt-Nystrøm på bass og Andreas Skorpe Sjøen på trommer. Konserten er i stova til familien Folkedal i Liarvegen 36B, der brørne òg inviterte til «Soul og suppe» i 2024.
Hallvard er òg med i Vorrå Blæs & Slaglag, nabolagsorkesteret på Vorråfeltet. Til vanleg spelar han saksofon i laget, og på jubileumskonserten står han òg for vokalen. I 2024 song han dessutan salmar på festivalen, i «Salmer ved sjøen».